Paralel.az xəbər verir ki, Ermənistan tərəfi sərhəddəki vəziyyətlə bağlı bu gün açıqlama yayıb. RİA Novosti-nin məlumatına görə, Ermənistan İstintaq Komitəsinin mətbuat xidməti iyulun 23-də Azərbaycanla sərhəddə baş verən atışmada yaralanan üç erməni hərbçisindən birinin vəziyyətinin çox ağır olduğunu bəyan edib: “Cümə günü Azərbaycan Müdafiə Nazirliyi sərhəddə Ermənistan silahlı qüvvələrinin atəşə tutulması nəticəsində əsgərinin öldüyünü elan edib. Ermənistan Müdafiə Nazirliyi öz növbəsində Geğarkunik bölgəsindəki Azərbaycanla sərhəddə baş verən atışma nəticəsində üç erməni əsgərinin yaralandığını bildirir”.

Məlumatda deyilib ki, yaralılar Geğarkunik qarnizon xəstəxanasına aparılıb. Onlardan

birinin, çağırışçı Arman Atasyanın vəziyyəti son dərəcə ağır qiymətləndirilir.

Məlumatda qeyd olunub ki, Ermənistan İstintaq Komitəsində “rəsmi və ya ictimai vəzifələrini yerinə yetirməsi ilə əlaqədar olaraq iki və ya daha çox şəxsi öldürməyə cəhd, milli əsaslarla törədilən, irqi və ya dini nifrət və ya dini fanatizm” maddəsi ilə cinayət işi başlanıb.

Agentlik daha sonra yazır ki, Ermənistanla Azərbaycan arasındakı sərhəddə vəziyyət mayın 12-də kəskinləşib. Ermənistan Müdafiə Nazirliyi Azərbaycan silahlı qüvvələrinin Sünik bölgəsinin sərhəd bölgələrindən birində “sərhədlərin dəqiqləşdirilməsi üçün” müəyyən işlər görməyə çalışdığını bildirib. Ermənistanın baş naziri Nikol Paşinyan isə Rusiya prezidenti Vladimir Putinlə telefon danışığı zamanı KTMT-dən Azərbaycanla sərhəddəki vəziyyətlə bağlı məsləhətləşmələr aparmaqla bağlı təlimat barədə məlumat verib.

Xəbərdə qeyd edilib ki, may ayının sonunda Azərbaycan Müdafiə Nazirliyi sərhədi keçmək istəyən altı erməni əsgərin tutulduğunu elan edib. Ermənistan Müdafiə Nazirliyi öz növbəsində altı əsgərin “Ermənistan Silahlı Qüvvələrin Geqarkunik bölgəsinin sərhəd hissəsindəki hərbi hissəsinin mühafizə olunan ərazilərində mühəndislik işləri apardıqları zaman” əsir götürüldüklərini bildirib.

Nigar