Tesla və SpaceX-in patronu Elon Muskdan maraqlı bir açıqlama gəlib

Paralel.az xəbər verir ki, E.Musk Tesla şirkətinin patronu olmağa olduqca nifrət etdiyini söyləyib. Anadolu Agentliyinin yaydığı məlumata görə, Teslanın milyarder qurucusu məhkəmənin ilk iclasında şirkətin direktorlar şurasının üzvlərinə bir günəş batareyası firması almaq üçün təzyiq etməkdə günahlandırıldığı zaman belə danışıb. Sitat: “Teslanın patronu olmağa nifrət edirəm, mən bundansa, öz vaxtımı dizayn və mühəndisliklə keçirməyə üstünlük verərəm”.

Məlumata görə, iddiaçıların vəkili Musk rəhbərliyini tənqid edən bir video göstərdikdən sonra Musk belə deyib: ”Heç bir şeyin patronu olmaq istəmirəm!”.

Tesla səhmdarları pulları tükənən SolarCity günəş firmasının alınması ilə şirkətin qaynaqlarının boşa getdiyini iddia edirlər. Deyilənə görə, razılaşma zamanı Musk həm Teslanın, həm də əmisi uşaqları tərəfindən qurulan günəş batareyaları şirkətinin 100-də 22-nə sahib idi. Musk isə sözügedən səhmlərdən qazanc əldə etmədiyini vurğulayıb.

Nigar