Ucar rayonunun icra başçısı  Mənsur Məmmədovun adı bu günlərdə  yenidən medianın gündəmini bəzədi. 
Məlum oldu ki, cənab Mənsur Məmmədov hələ Göyçayda icra başçısı olarkən rayonun Hüngütlü kəndində 20 hektar əraziyə malik düzənlikdə  villa tikdirib.
Malikanədə bahalı dekorativ ağaclar və cürbəcür meyvə ağacları ilə birlikdə süni göl də var. Villa 2014-cü ildə tikilib.
Villanın ərazisində  vertolyot enmək üçün xüsusi meydança da var. 
Villa hər tərəfdən 6 metr hündürlükdə hasarla əhatə olunub. 
İndi özünüz təsəvvür edin , heç orta əsrlərdə kral ailələri belə əmlaka sahib deyildi. 
Digər tərəfdən  rayonun icra başçısı kimdir, hansı gəliri var ki,belə villa tikib? 
Görəsən, hasarın 6 metr hündürlükdə olması hansı ehtiyacdan yaranıb ? 
10 milyon dəyərində mülk tikdirən icra başçısının görəsən nə qədər əmlakı var? 

Məlumat üçün qeyd edək ki, Mənsur Məmmədov keçmiş nəqliyyat naziri  Ziya Məmmədovun və  Milli Məclisin sabiq üzvü Elton Məmmədovun bacısı oğludur. 
Bu adam hansı  xidmətlərinə görə, 39 yaşında Zərdabınn icra başçısı olub. Hansı qabiliyyətinə görə ? 
Yəqin oxucuların  yadında olar bir müddət əvvəl rayondakı haqsızlıqdan bezən bir dəstə qadın Ucarda icra hakimiyyətinə daxil olaraq çıxış edən icra başçısına  nələr demişdi..
İcra başçısının şəhid ailələrinə, müharibə veteranlarına olan neqativ  münasibəti isə dözülməzdir. 
Bütün bunlarla yanaşı rayonun ən böyük problemlərindən biri də əkin üçün torpaqların münbit olmamasıdır, yəni torpaqlar şorandır. 
Mənsur Məmmədov isə rayondakı şoran olmayan, yararlı torpaqların çoxunu özəlləşdirib. 
Hazırda karantin dövründə rayonda ancaq icra başçısının obyektləri işləyir. Bələdiyyə sədrləri də icra başçısının əmr qullarıdır. 
Bir sözlə, icra başçısı Ucar rayonunun şəriksiz SAHİBİ- XOZEYN-dir. 
Ucar camaatı isə onu qaranlıqda şamla axtaran kimi axtarırlar..

P.S. Qarşı tərəfin fikirlərini də verməyə hazırıq.

Mənbə: gundelik-baku.com