Bakıda supermarketlərdən spirtli içkilər oğurlayan keçmiş məhkum yaxalandı

 

Bakıda supermarketlərdən oğurluq edən şəxs saxlanılıb.

Trend-in məlumatına görə, hadisə paytaxtın Nəsimi rayonu ərazisində baş verib. 

Naməlum şəxs Bülbül prospektində yerləşən “Grand market”dən 102, "Bolmart"dan isə 68 manat dəyərində spirtli içki oğurlayıb.

Nəsimi Rayon Polis İdarəsinin 22-ci Polis Şöbəsinin əməkdaşlarının keçirdiyi əməliyyat tədbirləri nəticəsində marketlərdən oğurluq etməkdə şübhəli bilinən Bakı şəhər sakini, əvvəllər məhkum olunmuş 1987-ci il təvəllüdlü Kamil Həsənov saxlanılıb.

Məlum olub ki, K.Həsənov mayın 30-da saat 03:45-də Səməd Vurğun küçəsində yerləşən "Af Mall" ticarət mərkəzindən spirtli içki oğurlayarkən mühafizəçi onu görüb. Bu vaxt o, əlindəki içkiləri yerə ataraq qaçıb.

0.44269299507141