Balakəndə bir tondan artıq çətənə bitkisi məhv edilib - Foto

 

 

Balakən Rayon Polis Şöbəsinin (RPŞ) əməkdaşları tərəfindən yabanı halda bitən narkotik tərkibli bitkilərin aşkar edilərək məhv edilməsi istiqamətində əməliyyat tədbiri keçirilib.

Daxili İşlər Nazirliyinin (DİN) Mətbuat Xidmətinin Şəki regional qrupundan verilən məlumata görə, rayonun Qaysa kəndi ərazisində yabanı halda bitən, çəkisi 470 kiloqram olan 1 510 ədəd, Şambul kəndi ərazisində isə ümumi çəkisi 830 kq olan 3 129 ədəd narkotik tərkibli çətənə bitkisi polis əməkdaşları tərəfindən kökündən çıxarılıb, yandırılaraq məhv edilib.

Faktla bağlı araşdırma aparılır.

 

0.12247395515442