Hadi Rəcəblinin daha bir şirkəti üzə çıxdı

Araşdırmaçı jurnalist Cavanşir Həsənli deputat Hadı Rəcəblinin daha bir şirkətini üzə çıxarıb.

O bildirib ki, Hadı Rəcəblinin biznesinin başında “VERAVUL” MMC dayanır: “Deputat bu şirkət üzərindən “Palıdlı Sahil” istirahət mərkəzini, “Titanik” və “Apartment” restoranlarını və digər biznes obyektlərini idarə edir”.

“”VERAVUL” MMC 2013-cü ilin mayında 6 saylı Ərazi Vergilər Baş İdarəsində qeydiyyata alınıb. Hüquqi ünvanı Lənkəran rayonu Veravul kəndidir. Bu kənd Hadı Rəcəblinin doğma kəndidir. Şirkətin qanuni təmsilçisi deputatın qardaşı oğlu Şadil Xəzail oğlu Rəcəbovdur”, – araşdırmaçı bildirib.

Hadı Rəcəbli I-V çağırış Azərbaycan Respublikası Milli Məclisinin deputatı, Əmək və Sosial Siyasət Komitəsinin sədridir. O, hazırda 74 saylı Lənkəran kənd seçki dairəsindən namizəddir.

P.S. Məsələ ilə bağlı adları çəxkilən şəxslərlə əlaqə saxlamağa çalışsaqda, bu mümkün olmadı. Qarşı tərəf kimi onlarında münasibətin ictimailəşdirməyə hazırıq.
0.75218105316162