Tramp London merini “uğursuz” adlandırdı

Birləşmiş Ştatların Prezidenti Donald Tramp dəfələrlə ABŞ xalqını tənqid edən London meri Sadiq Xanı “uğursuz” adlandırıb.

D.Tramp “Twitter” səhifəsində S.Xanın London meri vəzifəsində pis çalışdığını yazıb:

“London meri postunda hər mənada pis fəaliyyət göstərən Sadiq Xan, şübhəsiz ki, Birləşmiş Krallığın ən vacib müttəfiqi olan Birləşmiş Ştatların Prezidentinin səfəri ilə bağlı axmaq qərəzlilik göstərdi. O, uğursuz adamdır. Diqqətini Londondakı cinayətkarlığa ayırmalıdır, mənə yox”.

Qeyd edək ki, ABŞ Prezidenti Böyük Britaniyaya üç günlük səfərə gəlib. Bir qədər əvvəl isə London meri bildirmişdi ki, D.Trampı Birləşmiş Krallığa dəvət etməyə dəyməzdi.

0.37101984024048